Taia Colaitiniyara

Na cici vakavinaka ni veika kece a bulia na Kalou e vakadeitaki ena veilawa eso ka vakadavora ko Koya. Meu kaya tale, na veika buli kece era maroroi ka taqomaki tu ena veilawa eso ka a vakadavora na Kalou. Au kila niu sa vosa oti ena galala ni digidigi ka na vakavurea na taro oqo - na cava na yaga ni galala ni digidigi kevaka e via kena i rairai toka ni da vauci tu ena dua na lawa? Meu tukuna mada e vica na kenai vakaraitaki: Enai vakatekivu, a solia na Kalou nai vakaro vei Atama me kania ga na kauvuata kei na veico vakasorena. Baleta ni mataisau ni yago qele oqo na Kalou, e kila o koya na ka me biu i loma. Vakacava ke digitaka o Atama kei Ivi me rau kani ira na manumanu? Ena vakau leqa dina. Na cina ni takoso ena gauni sala e i vakatakarakara ni veilawa eso mera taqomaki kina o ira na vakayagataki gaunisala. Ena vakavu leqa ke o taubale yani kevaka sa udre na cina drokadroka mera cici na tolili Na noda veimatanitu, na vei soqosoqo, na veikawatamata eso kei na nodrai tovo, na veivuvale

 Na Kalou e tekitekivu ni veika kece. E vu mai vua na veika kece esa raica, tara, ka vakila.  Na kaukauwa ni nona lewa kei na nona rawa ni bulia na veika mai na sega e kilikili kina me vakatokai me Kalou kaukauwa ka dina duadua ga. Io e dua na ka uasivi cake e kilai tani kina na Kalou, a ya, ni kaya nai Vola Tabu ni sa loloma na Kalou. Ni da rai ena Lotu vakarisito, e usutu levu ni nodra veivakavuvuli na loloma ni Kalou ka tukunikataki enai Vola Tabu. Sa davo oti toka na nona i tikotiko na Kalou mai lomalagi, ka sa nona nanuma me robota na veivanua lala ka wavoliti koya ena veibulibuli talei eso. Na veivuravura kei na veikalokalo era basika mai ena Nona kaukauwa. A buli ira na nona dauniveiqaravi ka ra vakatokai ena vosa vakatamata na agilose. Na Kalou a solia e dua nai solisoli cecere vei ira eso na nona veika bula, aya na galala ni digidigi. Na kena vakadikevi ni i solisoli oqo ena vakararamataka na noda vakasama ena levu na kilaka titobu me baleta na loloma ni Kalou. Na loloma e dab