Na Lawa Ni Loloma

Na cici vakavinaka ni veika kece a bulia na Kalou e vakadeitaki ena veilawa eso ka vakadavora ko Koya. Meu kaya tale, na veika buli kece era maroroi ka taqomaki tu ena veilawa eso ka a vakadavora na Kalou.

Au kila niu sa vosa oti ena galala ni digidigi ka na vakavurea na taro oqo - na cava na yaga ni galala ni digidigi kevaka e via kena i rairai toka ni da vauci tu ena dua na lawa?

Meu tukuna mada e vica na kenai vakaraitaki:

• Enai vakatekivu, a solia na Kalou nai vakaro vei Atama me kania ga na kauvuata kei na veico vakasorena. Baleta ni mataisau ni yago qele oqo na Kalou, e kila o koya na ka me biu i loma. Vakacava ke digitaka o Atama kei Ivi me rau kani ira na manumanu? Ena vakau leqa dina.

• Na cina ni takoso ena gauni sala e i vakatakarakara ni veilawa eso mera taqomaki kina o ira na vakayagataki gaunisala. Ena vakavu leqa ke o taubale yani kevaka sa udre na cina drokadroka mera cici na tolili

• Na noda veimatanitu, na vei soqosoqo, na veikawatamata eso kei na nodrai tovo, na veivuvale, era tu na nodra veilawa ka kedrai naki levu duauda na kena maroroi na sautu ena nodra bula na tamata kei na veika kece e wavoliti ira.

E sega ni kenai balebale oqo ni via veivesu na Kalou. E gadrevi tiko ga me da vakatavulici meda vakabauta na nona lewa, na lewa ka yavutaki tu na nona loloma vei keda. Na bulabula galala kei na sautu ena kena vakatagedegede duadua e tiko ena nona loma ni bai na Kalou. 

E taudaku, e tu ga kina na mate. Na galala ni digidigi, ke vakayagataki vakailoa, e kauta ga mai na butobuto ni vakasama, na rusa, kei na mate. Sa oti qo e ono na udolu na yabaki na noda vulica tiko na lesoni ni talaidredre ena nona lewa na Kalou.

Na veika kece oqo a sa vakasamataka toka na noda Kalou ni bera na nona veibuli, ka toka vua e dua na rivarivabi levu. Io sa sega tale ni dua na sala vinaka me muri. Sa na soli ga na galala ni digidigi vei ira na nona veikabuli, sa na qai vakatautaki toka e keya na veika ena yaco ka tarava.